Katrín prinsessa af Wales slasaðist á fingrum hægri handar þegar hún var að hoppa með börnunum sínum á trampólíni.

Mörgum brá í brún að sjá Katrínu mæta í opinbera heimsókn með plástra vafna um tvo fingur. Hún gerði lítið úr meiðslum sínum og sagði að þetta væri sér að kenna, hún hafi verið að hoppa á trampólíni með börnunum sínum. Talsmenn hallarinnar segja að um sé að ræða lítilsháttar meiðsl og ekki væri tilefni til þess að hafa áhyggjur.

Prinsessan hefur áður sagt frá því að hún elski að leika með börnunum á trampólíninu og að það sé þar að auki frábær leið til þess að halda sér í formi.

Frétt af mbl.is

Hikar ekki við að hoppa á trampólíninu

Katrín prinsessa slasaði sig á trampólíni og búa þurfti um tvo fingur hennar. AFP

Katrín prinsessa gerði lítið úr meiðslunum. AFP

Talsmenn hallarinnar segja að meiðslin séu ekki alvarleg. AFP