Við Asparfell í Breiðholti er að finna 221 fm þakíbúð í stóru lyftuhúsi sem reist var 1973. Eignin er sú eina á áttundu og efstu hæð blokkarinnar í stigaganginum og fylgir henni 70 fm svalir sem eru að hluta til yfirbyggðar og því hægt að njóta allt árið um kring. 

Eldhús, stofa og borðstofa eru samliggjandi í rúmgóðu og björtu rými, en fallegur arinn bindur plássin saman og gefur heimilinu mikinn sjarma.

Í eldhúsinu er stílhrein innrétting úr gegnheilli eik sem hefur að geyma mikið skápapláss og fallega eyju með Witt-gaseldavél og háf. Íbúðin hefur verið skemmtilega innréttuð og býður hún upp á heilmörg tækifæri fyrir nýja eigendur.

Þrjú svefnherbergi og tvö baðherbergi eru í íbúðinni, þar af rúmgott hjónaherbergi og tvö barnaherbergi. Hjónaberbergið var áður tvö herbergi og er því möguleiki á að breyta til baka. Baðherbergin eru bæði með upprunalega dúka á gólfi og flísar á veggjum. 

Sjá fasteignavef mbl.is: Asparfell 6

Íbúðin er á áttundu og efstu hæð blokkarinnar. Ljósmynd/Remax

Eldhúsinnréttingin tónar vel við parketið. Ljósmynd/Remax

Glæsileg eign. Ljósmynd/Remax

70 fm svalir fylgja eigninni. Ljósmynd/Remax

Svefnherbergin eru rúmgóð og björt. Ljósmyndin/Remax