Katrín prinsessa af Wales var óvenju töffaraleg þegar hún mætti í skógarferð með Vilhjálmi krónprins og hópi skólabarna.

Katrín klæddist köflóttum jakka frá Maje og var í gönguskóm frá Chloé. Gönguskórnir heita Chloé Combat Boots og kosta í kringum 150 þúsund krónur. Venjulega er Katrín í háum hælum eða strigaskóm en hér hefur hún valið heldur grófari skó fyrir tilefnið.

Hún gaf síðu lokkunum lausan tauminn og hafði hárið skipt í miðju sem virðist vera hennar nýja útlit um þessar mundir. Breskir fjölmiðlar fagna þessu afslappaða útliti prinsessunnar og segja hana vera að slá nýjan og ferskari tón fyrir bresku konungsfjölskylduna.

Katrín var í jakka frá Maje og með hálsmen með upphafsstöfum barnanna grafið í. Hárgreiðslan hennar hefur slegið í gegn. AFP

Vilhjálmur og Katrín voru bæði í fallegum ullarjökkum í ensku sveitinni. AFP

Hjónin virka mjög samhent og hamingjusöm. AFP

Hjónin Vilhjálmur og Katrín hafa gaman af að sinna sínum konunglegu skyldustörfum saman. AFP