Fyrsta málverkið sem listmálarinn og sjónvarpsstjarnan, Bob Ross, málaði í þætti sínum, The Joy of Painting, er nú til sölu. Málverkið, A Walk in the Woods, málaði Ross árið 1983 og tók það listamanninn aðeins 30 mínútur að skapa. 

Málverkið, sem er falleg náttúrumynd og máluð með olíulitum, er auglýst á heimasíðu gallerísins Modern Artifact í Minneapolis og kostar það rúmlega einn milljarð íslenskra króna. 

Ross var afar vinsæll sjónvarpsmaður á 9. og 10. áratugnum en þættir hans, The Joy of Painting, voru sýndir á árunum 1983 til 1994. 

Listamaðurinn lést aðeins 52 ára að aldri hinn 4. júlí árið 1995 eftir erfiða barátta við eitlakrabbamein. Ross hélt upplýsingum um veikindi sín leyndum fyrir almenningi.