Bandaríska leikkonan Halle Berry fagnaði 20 ára útgáfuafmæli kvikmyndarinnar Catwoman með því að birta eldheita myndaseríu á samfélagsmiðlasíðunni Instagram á þriðjudag. Kvikmyndin, sem var frumsýnd þann 19. júlí 2004, fékk ekki góða dóma og hefur ratað inn á þó nokkra lista yfir verstu kvikmyndir allra tíma. 

Berry, 57 ára, háttaði sig úr öllu nema nærbuxunum fyrir myndatökuna en skellti að sjálfsögðu á sig kattarkonugrímu til að skapa réttu stemninguna. Á myndunum heldur Berry á tveimur svörtum köttum sem hún meðal annars notar til að hylja brjóst sín. 

Ríflega 400.000 manns hafa líkað við færslu Berry. 

Margar glæsilegar leikkonur hafa farið með hlutverk Kattarkonunnar í gegnum tíðina. Má þar nefna Julie Newmar, sú fyrsta til að setja á sig kattareyrun, Eartha Kitt, Michelle Pfeiffer, Zoë Kravitz og Anne Hathaway.  

Frétt af mbl.is

Halle Berry nakin á mæðradaginn