Hún segir kjarasamninga þá sem gerðir voru fyrr á þessu ári hafa verið lykilforsendu þess að ná stöðugleika. Skuldbindingar á fyrirtækin til þess að hækka laun í framtíðinni hafi verið gerðar í þeirri trú að aukin verðmætasköpun stæði undir hærri launum.

Á líðandi stundu eru uppi augljós merki um kólnun í hagkerfinu, segir Sigríður Margrét. Háir vextir hafi áhrif, en einnig telji þættir eins og loðnubrestur, skerðing á orku til stórnotenda og samdráttur í ferðaþjónustunni. Á móti komi aukinn útflutningur lyfja og eldisfisks og meiri veiðiheimildir í botnfiski.

Meira má lesa um málið í Morgunblaðinu í dag.