Bandaríski leikarinn Dave Bautista var nær óþekkjanlegur á rauða dreglinum í Toronto á föstudag. Bautista var viðstaddur frumsýningu á kvikmyndinni The Last Showgirl og gekk dregilinn 25 kílóum léttari.

Bautista vakti mikla athygli á rauða dreglinum og gaf sér góðan tíma til að ræða við aðdáendur, taka myndir og gefa eiginhandaráritanir.

Leikarinn, sem hóf feril sinn sem glímukappi í WWE, ákvað að taka heilsuna föstum tökum árið 2022 eftir miklar og endurteknar þyngdarsveiflur síðustu ár.

Bautista ræddi um heilsuferðalag sitt við YouTube-stjörnuna Chris Van Vliet nýverið og viðurkenndi að hafa ekki verið í þessari þyngd síðan á menntaskólaárum sínum.

Leikarinn ljómaði á rauða dreglinum. ROBIN MARCHANT