Góð rútína getur auðveldað lífið. Það veit Kristján Einar Sigurbjörnsson, betur þekktur sem Kleini, en hann afhjúpaði á dögunum morgunrútínu sína á Instagram. 

Kleini hefur verið áberandi í fjölmiðlum síðustu ár ásamt unnustu sinni, Hafdísi Björgu Kristjánsdóttur, en hann ákvað fyrir rúmu ári síðan að loka á alla miðla sína þar sem þeir væru of tímafrekir. Hann sneri svo aftur á samfélagsmiðla í síðasta mánuði eftir 376 daga hlé og hefur verið duglegur að deila ýmsu efni síðan. 

Frétt af mbl.is

Kleini snýr aftur á samfélagsmiðla

Frétt af mbl.is

Ástin hefur verið áskorun

Byrjar alla morgna eldsnemma

Morgnarnir byrja snemma hjá Kleina, en hann vaknar klukkan 05:00 og leggur áherslu á að morgnarnir séu símalausir. Því næst fer hann í kalt bað og hugleiðir. 

Kleini segist einnig notast við svokallað „manifest“, en margir gera það með því að skrifa niður í bækur eða stunda einhversskonar íhugun í átt að markmiðum sínum. 

Því næst tekur Kleini upp bók og les 25 blaðsíður áður en hann fær sér morgunmat. Þegar hann hefur lokið við morgunmatinn er ferðinni svo heitið á æfingu. Kleini segir þessa morgunrútínu gera það að verkum að hann fari út í daginn fullur af orku og jákvæðni.

Kleini deildi morgunrútínu sinni á Instagram. Skjáskot/Instagram