„Eftir á að hyggja þá eru fleiri atriði sem ég myndi spá í, í dag, en ég gerði á þeim tíma,“ sagði körfuknattleikskonan fyrrverandi Dagný Lísa Davíðsdóttir í Dagmálum.

Dagný Lísa, sem er 27 ára gömul, lagði skóna óvænt á hilluna í sumar en hún var meðal annars valin besti leikmaður úrvalsdeildarinnar tímabilið 2021-22.

Frétt af mbl.is

27 ára landsliðskona leggur skóna óvænt á hilluna

Vanmetið hversu mikill tími fer í þetta

Bætti sig mikið

Dagný Lísa lék sinn fyrsta meistaraflokksleik þegar hún var 13 ára gömul með uppeldisfélagi sínu Hamri.

„Ég var 13 ára óþroskaður krakki á þessum tíma og spáði lítið í ákveðnum hlutum,“ sagði Dagný Lísa.

„Auðvitað verður þetta stór hlut af félagslífinu þínu, að mæta á æfingar. Félagslífið mitt snérist að mörgu leyti um það að hitta þrítugar konur og láta svo garga á sig af miðaldra karlmanni.

Ég veit ekki hvort ég myndi setja spurningamerki við það í dag en ég bætti mig fáránlega mikið á þessum fyrsta vetri mínum í meistaraflokki,“ sagði Dagný Lísa meðal annars.

Viðtalið við Dagnýju Lísu í heild sinni má nálgast með því að smella hér eða á hlekkinn hér fyrir ofan.

Dagný Lísa Davíðsdóttir. mbl.is/Óttar Geirsson