Íslenska útivistarmerkið 66°Norður fagnaði nýrri samstarfslínu með breska fatahönnuðinum Charlie Constantinou í verslun fyrirtækisins á Hafnartorgi. Þetta er í annað sinn sem 66°Norður vinnur með hönnuðinum en í fyrsta skipti sem línan er í boði hér á Íslandi. Fólk var áhugasamt og fylltist verslunin hratt af gestum.

Hönnuðir línunnar, Bergur Guðnason frá 66°Norður og Charlie Constantinou, sögðu frá ferlinu. Helgi Óskarsson eigandi fór einnig með nokkur orð um samstarfið og framtíðarsýn. Góð aðsókn var á viðburðinn þar sem bæði ungir listnemar og listafólk voru á meðal gesta.