Áslaug Arna Sigurbjörnsdóttir, háskóla-, iðnaðar- og nýsköpunarráðherra, er upptekin kona og þarf að skipuleggja tíma sinn vel. Hún ætlar sér að njóta jólamánaðarins til hins ýtrasta og greindi frá þeim tíu hlutum sem hún ætlar sér að gera í desember á Instagram-síðu sinni í gærdag.

„Að loknum kosningum - 10 hlutir hér að neðan sem ég ætla að gera í desember.

1. Sofa.
2. Starfa í starfsstjórn.
3. Taka til á skrifstofunni minni í háskóla-, iðnaðar- og nýsköpunarráðuneytinu og pakka öllu í kassa. 
4. Verja tíma með fjölskyldu og vinum sem ég hef bara hitt undanfarið þegar ég er í kosningaham. 
5. Kaupa jólagjafir.
6. Fylgjast með fréttum af stjórnarmyndunarviðræðum.
7. Lesa bækur.
8. Undirbúa mig undir næstu mánuði án þess að vita hvernig þeir verða eða hvað þeir bera í skauti sér.
9. Kannski taka aðeins til í skápum og á stöðum sem hafa beðið marga mánuði, jafnvel ár eftir rólegum dögum í pólitíkinni.
10. Njóta.“