„Þetta er aðeins stærri vettvangur til þess að gera sig að fífli,“ sagði Arnar Gunnlaugsson, nýráðinn þjálfari íslenska karlalandsliðsins í knattspyrnu, í Dagmálum.

Arnar, sem er 51 árs gamall, var ráðinn landsliðsþjálfari þann 15. janúar eftir að hafa stýrt Víkingi úr Reykjavík frá árinu 2018 en liðið varð tvívegis Íslandsmeistari undir stjórn Arnars og fjórum sinnum bikarmeistari.

Gríðarlega stoltur að hafa fengið starfið

Þarf að finna jafnvægið

Arnar fékk nokkrar áminningar á hliðarlínunni síðasta sumar og var af þeim sökum fjarverandi í alls fimm leikjum Víkinga þar sem hann tók út leikbann.

„Það er mitt að finna jafnvægið í þessu og ég hef svo sem ekkert miklar áhyggjur af þessu. Ég man varla eftir tiltali í þessum Evrópuleikjum og mér líður mjög vel með VAR-myndbandsdómgæsluna þó hún sé ekki fullkomin,“ sagði Arnar.

„Dómararnir hérna heima, sem eru margir hverjir virkilega góðir, myndu fagna því að fá VAR-myndbandsdómgæsluna til landsins. Ég er búinn að segja sjálfum mér að þetta sé ekkert til þess að hafa áhyggjur af en kemur eitthvað augnablik þar sem maður gerir einhvern glaðan,“ sagði Arnar meðal annars og hló.

Viðtalið við Arnar í heild sinni má nálgast með því að smella hér eða á hlekkinn hér fyrir ofan.

Arnar Gunnlaugsson tók við þjálfun íslenska liðsins í þarsíðustu viku. mbl.is/Karítas