Þetta er árstíminn þar sem flestir hér á landi eru hálfgráir á litinn, þar að segja fyrir utan þá sem hafa sótt sér sól eða komist í brúnkukremið. Ef þig vantar lit í andlitið í febrúar þá eru hér nokkrir fallegir kinnalitir sem aldeilis hjálpa þér við að virðast vera enn á lífi.

Það er misjafnt hvort fólk velji fljótandi kinnalit eða í púðurformi. Það er líka vinsælt að setja fyrst sólarpúður á kinnbeinin og smá bleikan kinnalit á „eplin“. Þetta gerir húðina náttúrulegri og meira geislandi.

Yves Saint Laurent Make Me Blush

Fljótandi kinnalitur sem aðlagast húðinni óaðfinnanlega og gefur þér náttúrulegar rjóðar kinnar. Áferðin endist í allt að 12 klukkustundir og kinnaliturinn er auðveldur í notkun. Áferðin er mjúk og hentar því vel beint á húðina eða yfir farða án þess að hreyfa við því sem er undir. Kemur í sex litatónum.

Yves Saint Laurent Make Me Blush kostar 8.299 kr.

Blush Up frá Gosh

Þessi kinnalitur er þægilegur í notkun og á góðu verði. Fæst í tveimur litatónum og gefur þér heilbrigðan ljóma.

Blush Up frá Gosh kostar 3.099 kr.

Mineralize Blush frá MAC

Kinnalitur í púðurformi sem er blandað steinefnum. Liturinn rennur léttilega yfir húðina og gefur þér fallegan og náttúrulegan svip. Það er þægilegt að setja þetta á húðina með góðum bursta. Liturinn kemur í mörgum litatónum. 

Mineralize Blush frá MAC sem kostar 7.590 kr.

Blush Trio frá Anastasia

Þetta merki er í uppáhaldi hjá mörgum. Þrír litir fylgja og er þægilegt að byggja upp fallegan lit með því að blanda þeim saman. Einnig er hægt að nota litina eina og sér. Þessi palletta kemur í nokkrum litaútfærslum.

Blush Trio frá Anastasia, fæst hjá Nola og kostar 7.990 kr.

Magnetic Blush frá Mádara

Snyrtivörurnar frá Mádara eru lífrænar og henta þeim vel sem eru með viðkvæma húð. Steinefnakinnaliturinn frá merkinu gefur fallegan lit og frískar upp á þig. Hann er mattur og fellur vel að þínum náttúrulega húðlit.

Kinnaliturinn frá Mádara kostar 5.549 kr.

Blush frá Lancomé

Kinnaliturinn frá Lancomé er silkimjúkur og gefur fallega áferð og þægindi. Kinnaliturinn endist vel á húðinni og hægt er að byggja litinn upp á húðinni.

Kinnaliturinn frá Lancomé kostar 8.299 kr.