Samfélagsmiðla- og hlaðvarpsstjarnan Sunneva Eir Einarsdóttir gerði góðlátlegt grín að ljósmyndahæfileikum kærasta síns, Benedikts Bjarnasonar, og hæðarmuni þeirra í nýjustu færslu sinni á Instagram.

Parið, sem er tiltölulega nýkomið heim úr rómantískri skemmtiferð til New York-borgar, var mjög iðið við að taka myndir hvort af öðru á hinum ýmsu stöðum borgarinnar, enda fallegir staðir á hverju horni sem vert er að festa á filmu.

Frétt af mbl.is

Sunneva og Benedikt í rómantískri ferð í New York

Sunneva deildi þó nokkrum myndum af sér, sem Benedikt tók af henni, á samfélagsmiðlasíðunni á miðvikudag og velti fyrir sér stórri spurningu: „Af hverju lít ég út eins og strumpur?“

Benedikt, sem er hávaxinn maður eins og faðir hans, Bjarni Benediktsson, fyrrverandi forsætisráðherra, og mun hærri en kærasta sín, beindi eflaust myndavélinni niður í hvert sinn sem hann smellti af henni mynd, sem gerir það að verkum að hlutföllin skekktust og lítur Sunneva því út eins og barn í fylgd fullorðins einstaklings á meðfylgjandi myndum.