Margar af skærustu stjörnum kvikmyndageirans fjölmenntu í hið árlega eftirpartí Vanity Fair að lokinni Óskarsverðlaunahátíðinni í nótt.

Leikkonan Julia Fox, einna þekktust fyrir hlutverk sitt í kvikmyndinni Uncut Gems frá árinu 2019, lét sig að sjálfsögðu ekki vanta, enda mikið partídýr, og vakti mikla athygli á dreglinum, eins og svo oft áður, í afar efnislitlum kjól.

Frétt af mbl.is

Huldi varla það allra heilagasta

Fox, sem fagnaði 35 ára afmæli sínu í byrjun febrúar, er vel þekkt fyrir að stela sviðsljósinu hvar sem hún stígur niður fæti, enda óhrædd við að flagga sínu allra heilagasta. Hún klæðir sig gjarnan í heldur undarlegar og efnislitlar flíkur og brá að sjálfsögðu ekki út af vananum í þetta sinn.

Fox mætti í Vanity Fair-partíið klædd gegn­sæj­um kjól frá tyrkneska tískuhönnuðinum Dilara Findi­koglu. Kjóllinn skildi lítið eftir fyrir ímyndunaraflið og minnti marga á Evu í Edengarðinum. 

Frétt af mbl.is

Með hjartað á rassinum

Julia Fox stillti sér upp fyrir ljósmyndara. AFP/Amy Sussman