„Við höfum verið í einhverri siðferðislegri spennitreyju vinstrisins um það að við séum einhvern veginn óumburðarlynd,“ segir Þórarinn Hjartarson um útlendingamálin í nýjasta þætti Dagmála.

Þórarinn stýrir hlaðvarpinu Ein pæling og í umræðu um útlendingamál ræddi hann sérstaklega um viðtal sem hann tók við Orra Páll Jóhannsson, fyrrverandi þingmann Vinstri grænna. Ræddu þeir tveir sérstaklega „inngildingu“.

„Það er að sjálfsögðu ekkert í menningu – ef tökum samskipti við konur – er eitthvað sem við viljum vera að inngilda frá Afganistan inn í íslenskt samfélag? Það vita allir að þetta er algjör della,“ segir Þórarinn.

Langar ekki að stríða Orra

Spurði hann því Orra hvort að það væri einhver gildi úr afganskri menningu sem þyrfti að flytja inn til Íslands.

Hvernig svaraði hann?

„[...] Mig langar eiginlega ekkert að stríða honum en maður verður eiginlega bara að gera það. Hann sagði: „Ja, ég þekki nú eiginlega ekki nógu vel til afgansks samfélags til þess að geta metið það“,“ segir Þórarinn um svör Orra og hlær.

Í nýjasta þætti Dagmála er rætt um stöðu hlaðvarpa á Íslandi, áhrif þeirra á þjóðfé­lagsum­ræðuna og fleira.

Áskrifendur Morgunblaðsins geta horft á þáttinn í heild sinni með því að smella hér.

Viðtalið við Kristrúnu minnisstætt