Árni Hauksson fjárfestir hefur sett íbúð við Austurhöfn á Geirsgötu 17 á sölu. Íbúðin er staðsett á besta stað í miðbæ Reykjavíkur með suðursvölum og sjávarútsýni. Íbúðin er 177,5 fm að stærð, með þremur svefnherbergjum og þremur baðherbergjum. Árni fer þó ekki langt en Smartland greindi frá því að hann hefði fest kaup á skrautíbúð við Bryggjugötu. 

Frétt af mbl.is

Árni Hauksson keypti skrautíbúð auðkonu

Íbúðin við Geirsgötu er á fjórðu hæð. Þvílíkur lúxus fylgir íbúðinni en lyftan opnast beint inn í íbúðina sem tryggir næði og þægilega aðkomu. Úr stofunni er gengið út á suðursvalir sem eru alls 6,4 fm.

Úr hjónasvítunni er gengið út á svalir inn í garðinn, fataherbergi og baðherbergi með glugga. Íbúðinni fylgja tvö til þrjú stæði í aðgangsstýrðri bílageymslu sem eru einungis ætluð íbúðareigendum í Austurhöfn.

Innréttingarnar í íbúðinni eru sérsmíðaðar úr amerískri hnotu frá ítalska handverkshúsinu Gili Creations. Kvarts-borðplötur eru við eldhúsvask en eyjan er klædd marmaraflísum.

Sjá á fasteignavef mbl.is: Geirsgata 17

Eldhús, stofa og borðstofa eru í einu opnu rými.

Íbúðin er björt og rúmgóð.

Þrjú svefnherbergi og þrjú baðherbergi eru í íbúðinni.

Glæsilegt baðherbergi.

Úr hjónasvítunni er gengið inn í fataherbergi og síðan inn á baðherbergi.

Lyftan opnast beint inn í íbúðina.

Svalirnar snúa í suður.

Íbúðin er smekklega innréttuð.