Jakkaföt í svörtum, dökkbláum, gráum eða ljósbrúnum lit eru klassískt val fyrir þá sem vilja vera fínt klæddir á þessum hátíðardegi. Aðrir sækjast eftir að vera hversdagslegri og þá má hugsa sér ljósa prjónapeysu eða pólóbol. Stílhrein skyrta við fínar buxur er líka alltaf vinsælt val á meðal fermingardrengja.

Skórnir sem eru vinsælastir hjá öllum fermingarbörnum nú til dags eru stílhreinir og ljósir strigaskór. Það er þægilegt og töff. Þeir sem vilja persónulegan svip á útlitið ættu að skoða hálsklúta, sem fara yfirleitt mjög vel með skyrtu og jakka.