Hjónin Sveinn Elías Elíasson og Ósk Norðfjörð Þrastardóttir hafa verið áberandi eftir að þau hnutu hvort um annað. Hún er fyrirsæta og myndlistarmaður og hann hefur stundað ýmis viðskipti. Þau búa í einbýlishúsi við Fjóluás 30 í Hafnarfirði sem nú er komið á sölu.

Um er að ræða 300 fm einbýli sem reist var 2008. Fjóluás er í Áslandinu í Hafnarfirði sem hefur að geyma ýmsar glæsivillur sem státa af flottu útsýni út á Hafnarfjörð og jafnvel til Reykjavíkur ef húsið er þannig staðsett.

Húsið sem Sveinn og Ósk búa í er í eigu Grace ehf. sem er félag sem sérhæfir sig í útleigu á húsnæði. Eigendur félagsins eru Ingibjörg Soffía Sveinsdóttir og Baldur Jóhann Baldursson. Þau festu kaup á húsinu í maí 2023 og greiddu fyrir það 149.000.000 kr. Nú er húsið hins vegar verðlagt á 214.900.000 kr.

Hægt er að skoða húsið nánar á fasteignavef mbl.is: Fjóluás 30

Háglansandi flísar prýða gólfið í húsinu.

Húsið við Fjóluás 30 er komið á sölu.