Eldvirkni á Reykjanesskaga | 7. apríl 2025
„Rannsóknin ekki flókin“
„Mál mannsins er í rannsókn og mér líst þannig á það að sú rannsókn sé ekki flókin og hefur sinn gang.“
„Rannsóknin ekki flókin“
Eldvirkni á Reykjanesskaga | 7. apríl 2025
Setja bókamerki
„Mál mannsins er í rannsókn og mér líst þannig á það að sú rannsókn sé ekki flókin og hefur sinn gang.“
„Mál mannsins er í rannsókn og mér líst þannig á það að sú rannsókn sé ekki flókin og hefur sinn gang.“
Þetta segir Úlfar Lúðvíksson, lögreglustjóri á Suðurnesjum, við mbl.is, spurður út í mál Hermanns Ólafssonar, Grindvíkings og fyrrverandi forstjóra útgerðar- og fiskvinnslufyrirtækisins Stakkavíkur, sem var handtekinn fyrir að beina byssu að björgunarsveitarmanni í Grindavík fyrir viku síðan, skömmu eftir að eldgos hófst á Sundhnúkagígaröðinni.
Úlfar segir að ekki hafi verið gefin út ákæra á hendur Hermanni enda sé rannsókn málsins ekki lokið.
Hermann sagði í samtali við mbl.is eftir handtökuna að það hafi verið haugalygi að hann hafi beint byssu að björgunarsveitarmanninum.
„Þetta var versti dagur í mínu lífi,“ sagði Hermann við mbl.is. Hann sagði að björgunarsveitarmaðurinn hafi beðið um að fá að taka mynd og hann hafi þá í gríni stungið haglabyssu upp í loftið, viðstöddum til mikillar skemmtunar, að því er hann sagði.
/frimg/1/56/13/1561324.jpg)
