Tónlistarmaðurinn Árni Páll Árnason, Herra hnetusmjör, og kærasta hans, Sara Linn­eth Lovísu­dótt­ir Casta­neda, hafa sett 168 fm íbúð sína í Kópavogi á sölu. Um er að ræða efstu hæð í blokk í Kársnesinu en parið keypti íbúðina þegar hún var splunkuný. Blokkin sjálf var reist 2024. 

Herra hnetusmjör syngur um íbúðina í laginu Elli Egils og er þá að vísa í heita pottinn á svölunum íbúðarinnar sem þykir heilmikill lúxus. Á svölunum er þó ekki bara heitur pottur heldur líka saunu-klefi. 

Heimili Árna Páls og Söru er smekklega innréttað með fallegum húsmunum, skrauti og listaverkum. Og að sjálfsögðu er verk eftir Ella Egils á besta stað í stofu. 

„Ég set búnt á skenkinn, Elli Egils á vegginn,“ segir í laginu. 

Hér er hægt að hlusta á lagið: 

Sjá nánar á fasteignavef mblis: Hafnarbraut 8