Hvað einkennir hinar fullkomnu gallabuxur? 

Þær þurfa að vera vel sniðnar en það sem skiptir öllu máli er efnið sjálft. Gæðamikið gallaefni getur enst árum saman ef fólk fer vel með flíkina. Gæði haldast í hendur við verð í þessum efnum en góðar gallabuxur er ákveðin fjárfesting í dag. 

Svo er það hvernig buxur eru í tísku. Núna og síðustu ár hafa víðar buxur verið mest áberandi og halda því áfram þrátt fyrir hótanir úr ýmsum áttum um endurkomu þröngu buxnanna. Það er þó eitt snið sem er alltaf klassískt og klæðir flesta en það eru uppháar gallabuxur sem eru með beinum skálmum. 

Það er mikilvægt að máta gallabuxur til að finna gott snið sem passar. Gallabuxur með mikilli teygju eru yfirleitt þægilegri fyrst um sinn en endast mun styttra en efni sem kemst næst því að vera 100% bómull. Teygjan verður verri með tímanum og buxurnar geta farið að pokast á mismunandi stöðum. 

Vorið er góður tími til að fjárfesta í nýjum gallabuxum. Vertu opin fyrir buxum í ljósum litum eins og smjörgulum og kremlituðum því þær verður hægt að nota mikið í sumar við ýmis tilefni.

Hér fyrir neðan eru hugmyndir að gallabuxum sem eru til í íslenskum verslunum núna. Flestar eru klassískar, aðrar henta vel fyrir þennan árstíma og aðrar láta þig standa út úr.