Leikarinn og fjöllistamaðurinn Neil Patrick Harris er staddur í fríi með fjölskyldu sinni á Fídjíeyjum í Suður-Kyrrahafi um þessar mundir.  

Harris, sem er einna þekktastur fyrir hlutverk sitt sem kvennabósinn Barney Stinson í bandarísku gamanþáttaröðinni How I Met Your Mother, gaf skemmtilega innsýn í fjölskyldufríið á Instagram-síðu sinni nú á dögunum og af myndum að dæma þá á eyjalífið ansi vel við Harris og fjölskyldu.  

Harris er kvæntur leikaranum og matreiðslumanninum David Burtka. Þeir gengu í hjónaband í september 2014 eftir tíu ára samband.

Harris og Burtka eignuðust tvíbura, Harper og Gideon, með aðstoð staðgöngumóður árið 2010 og hafa verið duglegir að sýna frá lífi fjölskyldunnar á samfélagsmiðlum síðustu ár. 

Frétt af mbl.is

Tvíburar Harris komnir á unglingsár

Frétt af mbl.is

Fimmtugur og í hörkuformi