Blush hefur fullnægt landsmönnum í 14 ár og fagnaði áfanganum með sjóðandi heitri afmælisveislu í verslun fyrirtækisins. 

Játningarklefinn sló í gegn þar sem gestir höfðu tækifæri til að skrifa niður villtar játningar, dónalega drauma eða fullnægjandi fantasíur.

Fróunarklefi var settur upp í tilefni af afmælinu og var frumsýndur í versluninni. Upphaflega var klefinn aprílgabb hjá versluninni sem vakti slíka lukku að ákveðið var að taka grínið alla leið. Gestir gátu aðeins skoðað fróunarklefann en það var ekki í boði að nota hann. Var þetta aðeins í gangi á viðburðinum sjálfum en þetta er ekki eitthvað sem verslunin mun bjóða upp á.

Skynjunarboxið sló einnig í gegn en Birna Rún Eiríksdóttir fór á kostum þar sem hún tók púlsinn á gestum og gangandi. 

DJ Anna María hélt uppi stuðinu allt kvöldið.