Enski grínistinn og gamanleikarinn Russell Brand kom fyrir dóm í Lundúnum í dag.

Brand, 49 ára, hefur verið sakaður um kynferðisofbeldi gegn konum, en meint afbrot eiga að hafa átt sér stað á árunum 1999 til 2005 og varða fjórar konur.

Málið vakti fyrst athygli fyrir rétt tæpum tveimur árum þegar ensku fréttamiðlarnir Sunday Times, The Times og Channel 4 greindu frá alvarlegum ásökunum á hendur leikaranum.

Frétt af mbl.is

Russell Brand ákærður fyrir nauðgun

Dómstóll í Westminster féllst á að Brand fengi að vera laus gegn tryggingu á meðan á réttarhöldunum stendur.

Leikarinn, sem er einna þekktastur fyrir hlutverk sitt í bandarísku grínmyndinni Forgetting Sarah Marshall, mætir aftur fyrir dóm þann 30. maí næstkomandi.

Russell Brand mætir aftur fyrir dóm þann 30. maí. Ljósmynd/AFP