Hin 18 ára gamla Dannielynn Birkhead heiðraði minningu móður sinnar, leikkonunnar og fyrirsætunnar Önnu Nicole Smith, með því að klæðast kjól af henni á Kentucky Derby-veðreiðarnar nú á dögunum.

Smith klæddist kjólnum, sem er svartur síðkjóll með klauf, á sama viðburð fyrir 21 ári síðan, eða árið 2004.

Dannielynn, sem mætti ásamt föður sínum, Larry Birkhead, á galaviðburð nú um liðna helgi, vakti, eins og við mátti búast, mikla athygli í kjólnum, enda mjög lík móður sinni.

Larry deildi fallegri myndaseríu af dóttur sinni í kjólnum á Instagram-síðu sinni sem hátt í 53 þúsund manns hafa þegar lækað við. 

Frétt af mbl.is

Anna Nicole Smith látin

Smith, sem öðlaðist frægð árið 1994 þegar hún gift­ist hinum 89 ára gamla viðskiptamanni, J. How­ard Mars­hall, lést árið 2007, aðeins örfáum mánuðum eftir að Dannielynn kom í heiminn.

Hún var 39 ára gömul.