Ung íslensk stúlka fékk draum sinn uppfylltan þegar hún rakst á kanadísku poppstjörnuna Justin Bieber í Veganesti á Akureyri nú á dögunum.

Stúlkan, sem heitir Dagbjört Lilja, deildi myndskeiði af sér, með tárin í augunum, á TikTok-síðu sinni í gærdag.

Það er óhætt að segja að myndskeiðið hafi farið eins og eldur í sinu um samfélagsmiðla, en hátt í 88 þúsund manns hafa horft á myndskeiðið á síðastliðnum sólarhring og ótal margir ritað athugasemdir og lýst yfir öfund sinni.

„Besta ísbúðarferð hingað til,“ skrifar Dagbjört Lilja við myndskeiðið, sem endaði á að fá mynd af sér með Bieber.

Frétt af mbl.is

Justin Bieber floginn á brott

Bieber flaug af landi brott á sunnudag eftir nokkurra daga dvöl.

Kanadíska poppstjarnan dvaldi á sveitasetrinu Deplar Farm í Fljótunum á Tröllaskaga og vann hörðum höndum að nýrri breiðskífu.

Frétt af mbl.is

Justin Bieber staddur á Íslandi

Frétt af mbl.is

Bieber kveikti sér í jónu í Haganesvík