Halla Gunnarsdóttir, nýkjörinn formaður VR, hefur sett parhús sitt við Vífilsgötu á sölu. Um er að ræða 176 fm parhús sem reist var 1936. Halla festi kaup á húsinu 2021. Hún á 70% í fasteigninni á móti tengdamóður sinni, Birnu Sólveigu Guðmundsdóttur, sem á 30%. Birna Sólveig er móðir Sveins Mána Jóhannessonar, eiginmanns Höllu.

Húsið er fallega innréttað með vönduðum og tímalausum húsgögnum.

Í stofunni er hlýlegt um að litast. Tekkhillur hitta lítinn grænan Flowerpot-lampa, nokkrar bækur eftir Halldór Kiljan Laxness og innskotsborð úr tekki. Inn af stofunni og borðstofunni er eldhús með hvítum sprautulökkuðum innréttingum og bleikum veggjum.

Sjá nánar á fasteignavef mbl.is: Vífilsgata 1