Krúttlegasta parið í Hollywood, Martin Short og Meryl Streep, er að springa úr ást ef marka má ljósmyndir sem náðust af því á tökusetti fimmtu seríu Only Murders in the Building á miðvikudag.  

Parið, sem hefur ekki beint opinberað samband sitt þrátt fyrir ófá stefnumót í New York, Santa Monica og víðar og margra mánaða vangaveltur fjölmiðla og aðdáenda, var við tökur á götu í New York-borg þegar ljósmyndara People bar að garði.  

Frétt af mbl.is

Kynda undir orðróm um samband

Þó svo að stórstjörnurnar hafi ekki staðfest rómantískt samband tala myndirnar sínu máli, en parið, sem leikur hjón í gamansömu glæpaseríunni, tók vart augun af hvort öðru þegar leikstjórinn kallaði „cut“ og skellti í einn góðan koss.

Frétt af mbl.is

Orðrómurinn hefur náð nýjum hæðum

Amy Schumer staðfesti orðróminn

Streep og Short hafa varið miklum tíma saman síðustu mánuði og mættu meðal annars í stjörn­um prýtt fimm­tugsaf­mæli Sat­ur­day Nig­ht Live um miðjan fe­brú­ar. 

Parið sat hlið við hlið á Homecom­ing-tón­leik­un­um sem haldn­ir voru á sjálf­an Valentínus­ar­dag­inn og mætti einnig í af­mæl­isþátt­inn þar sem það tók þátt í skemmti­atriðum kvölds­ins sem gladdi viðstadda, þá sér­stak­lega atriði Streep, þar sem það var frum­raun leik­kon­unn­ar í Sat­ur­day Nig­ht Live. 

Grín­ist­inn Amy Schumer sat við hlið pars­ins á Homecom­ing-tón­leik­un­um og lét hafa það eft­ir sér að lokn­um hátíðar­höld­un­um að Short væri greini­lega lofaður. 

Frétt af mbl.is

Meryl Streep gaf Hollywood-stjörnum fingurinn

Short var kvænt­ur leik­kon­unni Nancy Dolm­an frá ár­inu 1980 og þar til hún lést árið 2010 af völd­um krabba­meins í eggja­stokk­um. Streep var gift mynd­höggv­ar­an­um Don Gum­mer í 45 ár en þau standa nú í skilnaði. 

Frétt af mbl.is

Streep og Short sögð vera yfir sig hrifin