Við Flókagötu í Reykjavík er heillandi og stílhrein efri sérhæð til sölu. Íbúðin er staðsett í eftirsóknarverðu og rótgrónu hverfi í nágrenni við Kjarvalsstaði og Ísaksskóla. Eignin er 149,7 fm og þar af er íbúðin 133,7 fm, geymsla á jarðhæð er 5,6 fm og rúmgott sérþvottahús eignarinnar er 10,4 fm. Sérbílastæði er hægra megin við húsið sem rúmar tvo bíla.

Gegnheilt eikarparket, sem var endurslípað og olíuborið 2021, er á allri íbúðinni. Alrýmið er stórt og bjart með dásamlegum bogadregnum gluggum sem gefa íbúðinni einstakan svip. Svalir fylgja íbúðinni sem snúa í suður og út í gróinn og skjólsælan garð. Þrjú svefnherbergi eru í íbúðinni og eitt baðherbergi.

Borðstofa er samliggjandi með stofu sem býr til góða stemningu. Í eldhúsinu er hvít Multiform-eldhúsinnrétting með eyju sem var endursprautuð árið 2023. Smeg-gaseldavél og granítborðplötur eru í eldhúsi. Hjónaherbergið er mjög rúmgott með miklu skápaplássi. Á baðherbergi eru flísar á veggjum, baðkar og sturta. Blöndunartækin eru frá Vola.

Á ganginum eru sérsmíðaðar eikarhillur ásamt rúmgóðum fataskáp.

Sjá á fasteignavef mbl.is: Flókagata 56

Íbúðin er stílhrein og bogadregnu gluggarnir í stofunni gera mikið.

Útgengt er á suðursvalir frá borðstofu og eldhúsi.

Eldhúsinnréttingin er með granítborðplötum og SMEG-eldavél.

Sérsmíðaðar hillur á ganginum.

Stofan er björt og falleg.

Baðkar er í íbúðinni sem heillar marga.

Hjónaherbergið er rúmgott með góðu skápaplássi.

Fólki ætti að líða vel í þessari birtu.

Svalirnar snúa í suður og út í skjólsælan garð.