Íslenska tónlistarkonan Laufey Lín Jónsdóttir er á heiðurslista Gold House og Billboard tímaritsins. Ásamt Laufeyju má finna Bruno Mars, Tylu og Charli xcx sem eru stórstjörnur í tónlistarheiminum í dag. 

Listinn er ætlaður til að gera fólki af asískum uppruna hátt undir höfði. Þetta er fólk sem er talið vera leiðtogar á sínu sviði. 

„Það er mér mikill heiður að fá tónlistarheiður Billboard og Gold House þetta árið. Ég finn fyrir miklu þakklæti og það er gott að vera hluti af þessu samfélagi,“ skrifaði Laufey á Instagram.

Það má búast við að Laufey muni mæta á kvöldverði, galakvöld og aðra viðburði tengda heiðursverðlaununum.