Við Álfatún 4 í Kópavogi er að finna einstakt einbýlishús sem reist var 1982. Húsið er 281 fm að stærð og er teiknað af Guðna Pálssyni arkitekt. Húsið er á tveimur hæðum og er alveg við Fossvogsdalinn. Garðurinn í kringum húsið er eins og listaverk, vel snyrtur og skipulagður.

Stofa og eldhús eru í sama rými. Þar er hátt til lofts og vítt til veggja. Úr rýminu er útsýni út á Fossvogdalinn. Fallegar innréttingar prýða eldhúsið og eru þær bæði úr eik og líka hvítar sprautulakkaðar. Nýlegt parket er á gólfum í þessu rými.

Í húsinu eru nokkur baðherbergi og á einu þeirra er risastór sturta sem er hringlaga. Hún er flísalögð og afar hugguleg.

Hægt er að skoða húsið nánar á fasteignavef mbl.is: Álfatún 4