Frægir á ferð | 14. maí 2025

Patrik Snær kominn á 20 milljóna Exit-jeppa

Tónlistarmaðurinn Patrik Snær Atlason, eða Prettyboitjokko eins og hann er kallaður, þjáist f mikilli bíladellu. Eftir að hann sló í gegn á tónlistarsviðinu hefur hann keypt hvern glæsibílinn á fætur öðrum. Aðallega Porsche-bifreiðar en nú kveður við annan tón. Nú er hann kominn á nýjan jeppa. Svokallaðan Exit-jeppa.

Patrik Snær kominn á 20 milljóna Exit-jeppa

Frægir á ferð | 14. maí 2025

Patrik Snær Atlason er kominn á Exit-jeppa. Samsett mynd

Um er að ræða Mercedes-Benz G-Class 2018 árgerð sem knúinn er áfram með bensíni. Bíllinn er ljósgrár að lit og kom á göturnar 9. nóvember 2018. Næsta skoðun fer fram 1. september 2026. Patrik festi kaup á bílnum í janúar og var ásett verð í kringum 20.000.0000 kr.

Benz-jeppar njóta vinsælda hérlendis hjá hinum efnameiri. Í nóvember héldu íslenskir auðmenn til Graz í Austurríki til þess að skoða nýjustu Mercedes-Benz G-Class bifreiðarnar. Í ferðinni gátu þeir sérvalið nánast hvert einasta stykki í bílinn, ekki bara lit á saumum í framsætum og eitthvað minniháttar. Smartland hefur heimildir fyrir því að einn auðmaður hafi keypt jeppa í ferðinni en margir hafi þó verið áhugasamir enda mikið fjör að fara saman í hóp til að skoða bifreiðar.

Nískur með dýran smekk

Það verður þó að viðurkennast að það er auðvitað miklu meira töff að vera nískur með dýran smekk. Það er miklu hagstæðara að kaupa sjö ára gamlan jeppa en splunkunýjan því bílarnir breytast lítið í útliti. Venjulegir skrifstofumaurar sjá allavega ekki muninn. Þar að segja ef farið er vel með þessi farartæki, þau þrifin reglulega, felgur pússaðar og þeim klappað eins og þau væru eigin afkvæmi.

Frétt af mbl.is

Fjórir 60 milljóna EXIT-jeppar í umferðinni hérlendis

Hvers vegna Exit-jeppar?

En hvers vegna eru þessir jeppar kallaðir Exit-jeppar hérlendis? Jú, vegna þess að greifarnir í norsku Exit-þáttunum keyrðu um að slíkum bílum og þóttu töff. Ef þú vilt verða jafntöff og Patrik Snær Atlason og hinir ónefndu auðmenn sem fóru í ferð út í heim til að skoða flottheitin geta farið inn á vefinn bílasölur.is. og skoðað úrvalið. 14 slíkir bílar eru til sölu. Sá ódýrasti er 2006 árgerð og kostar 5.990.000 kr. og sá dýrasti er á 49.900.000 kr. Hann gengur fyrir bensíni og er keyrður 33.000 km. Hann kom á göturnar 1. janúar 2023.