Rumi Carter, yngri dóttir tónlistarparsins Beyoncé Knowles og Jay-Z, verður öruggari með hverjum tónleikunum á Cowboy Carter-túr móður sinnar.

Í nýju myndbandi frá fimmtu tónleikum Beyoncé í Los Angeles syngur Rumi, sem er sjö ára, með laginu Protector, faðmar móður sína, brosir og vinkar aðdáendum. Á sviðinu er einnig eldri systir hennar, hin þrettán ára Blue Ivy Carter.

Frá tónleikum Beyoncé í Cowboy Carter-tónleikaröðinni. Skjáskot/Instagram

Amma stúlknanna, Tina Knowles, sagði í síðustu viku að Rumi væri dugleg að taka eftir því sem stóra systir hennar gerir á sviðinu og kallar það „stóru systur orkuþjálfun“.

„Það hvernig hún fylgist með Blue og speglar hverja hreyfingu ... þú getur séð að hún er að taka glósur,“ skrifaði Tina.

Frétt af mbl.is

Þetta eru dýrustu einkaflugvélar heims

Í viðtali við GQ í september sagði Beyoncé að hún skipulagði tónleikana í kringum dagskrá barnanna sinna. 

„Börnin mín koma með mér hvert sem ég fer,“ sagði Beyoncé. „Þau koma á skrifstofuna til mín eftir skóla og þau eru í stúdíóinu með mér. Það er eðlilegt að þau læri kóreógrafíuna mína.“

Elle