Hugbúnaðarfyrirtækið Reon varð 14 ára á dögunum og af því tilefni var boðið í teiti á skrfstofu fyrirtækisins. Í leiðinni var því fagnað að búið væri að gera skrifstofur fyrirtækisins upp en þær eru við Borgartún í Reykjavík. 

Góð mæting var í teitið en þangað komu viðskiptavinir, samstarfsaðilar og vinir vina til að gleðjast og skála.

Rósa Dögg Ægisdóttir, framkvæmdastjóri Reon, hélt ræðu í teitinu þar sem hún þakkaði fyrir allt það góða sem gerst hefur síðustu 14 ár.