Eurovision | 17. maí 2025
Rífandi stemning í Eurovision-veislum víða
VÆB-bræður stigu ekki feilspor á sviðinu í Jakobshalle í Basel í Sviss í úrslitum Eurovision söngvakeppninnar í kvöld.
Rífandi stemning í Eurovision-veislum víða
Eurovision | 17. maí 2025
Setja bókamerki
VÆB-bræður stigu ekki feilspor á sviðinu í Jakobshalle í Basel í Sviss í úrslitum Eurovision söngvakeppninnar í kvöld.
VÆB-bræður stigu ekki feilspor á sviðinu í Jakobshalle í Basel í Sviss í úrslitum Eurovision söngvakeppninnar í kvöld.
Landsmenn eru stemningamenn og Eurovision-veislum hefur verið slegið upp víða.
Í Hannesarholti í miðborginni hefur verið mikið stuð í kvöld. Arnheiður Vala Magnúsdóttir, rekstrarstjóri veitingastaðarins, á von á því að það muni aðeins aukast með kvöldinu og standa langt fram eftir kvöldi og nóttu.
Nilli og Gunnar Smári lýsa keppninni
Skemmtikraftarnir Níels „Nilli“ Girerd og Gunnar Smári stýra veislunni í Hannesarholti. Þeir lýsa keppninni sjálfri og þá verða skemmtiatriði í auglýsingahléum keppninnar, meðal annars pub quiz. Að keppni lokinni verður svo slegið upp Eurovision-kareoke-partýi.
Vala segir nokkra Eurovision-sérfræðinga vera á staðnum, gesti klædda í takt við tilefnið – glimmer áberandi og kynnarnir í smóking.
Stebbi og Eyfi í Nínu-búningunum
„Stebbi og Eyvi heiðra okkur með nærveru sinni í kvöld. Þeir eru hérna í Nínu-búningunum á sviðinu,“ segir Vala og vísar til gína sem klæddar eru þannig á sviðinu.
„Við erum bara hér að gleðjast og njóta. Svo styrkjum við félagið Ísland-Palestína en félagið fær hluta af aðgangseyrinum í kvöld.“
