Vikan á Instagram var mjög lífleg og allir tóku sólinni fagnandi.

Sunneva Eir og Saga Garðarsdóttir hafa þó varið síðustu dögum á sólarströndum erlendis og birtu því ótal sundfatamyndir af því tilefni. Jazzsöngkonan Laufey Lín prýddi forsíðu ameríska tískutímaritsins Elle og deildi nokkrum myndum úr myndaþættinum á samfélagsmiðlinum.

Í Elle!

Tónlistarkonan Laufey Lín Bing Jónsdóttir var í viðtali í tímaritinu Elle USA.

Sjóðheit í galleríi!

Athafnakonan Ásdís Rán Gunnarsdóttir var stödd á Diplomat Art Gallery í Sofíu, Búlgaríu.

Fyrir norðan!

Kírópraktorinn Guðmundur Birkir Pálsson eða Gummi kíró var fyrir norðan, á Sauðárkróki, um helgina og mætti þar á körfuboltaleik sonar síns sem leikur fyrir Stjörnuna.

Sumarnætur!

Áhrifavaldurinn Magnea Björg Jónsdóttir spókaði sig um í miðbæ Reykjavíkur í sumardressi.

Í hvatningsliðinu!

Hlaupadrottningin Mari Jaersk hvatti hlaupafélaga sína áfram um helgina í Akrafjall Ultra hlaupinu. Sjálf tók hún ekki þátt enda nýbúin að hlaupa 280 kílómetra í Bakgarðshlaupinu.

Sæt í bleiku!

Hlaðvarpsstjórnandinn Sunneva Einarsdóttir nýtur lífsins á Algarve, Portúgal, um þessar mundir ásamt unnusta sínum Benedikt Bjarnasyni.

Barnapössun!

Áslaug Arna Sigurbjörnsdóttir naut sólarinnar með bróðurdóttur sinni um helgina.

Gullið heim!

Dansararnir Hanna Rún Bazev Óladóttir og Nikita Bazev hrepptu gull á Valencia Dance Festival á Spán um helgina. 

Gæsuð í bleiku!

Förðunarfræðingurinn og samfélagsmiðlastjórinn Alexandra Sif Nikulásdóttir var gæsuð í stuttum bleikum kjól og bleikum loðstígvélum. Hún virtist hafa skemmt sér vel enda var veðrið upp á tíu.

Konan í Cannes!

Leikkonan og grínistinn Saga Garðarsdóttir nýtur sín í Cannes í Frakklandi. Hún er þar á kvikmyndahátíðinni frægu til að kynna kvikmyndina Ástin sem eftir er sem hún leikur aðalhlutverk í.