Gerður Huld Arinbjarnardóttir, athafnakona og eigandi kynlífstækjaverslunarinnar Blush, er sannkallaður heimsborgari og lætur ekki líða langt á milli utanlandsferða, enda nauðsynlegt að kúpla sig frá vinnu og njóta alls þess sem hinn stóri heimur hefur upp á bjóða.

Athafnakonan, sem var valin markaðsmanneskja ársins í febrúar 2022, er nú stödd á Spáni, nánar tiltekið í menningarborginni Barselóna, og virðist vera að njóta sín í botn ef marka má færslur hennar á samfélagsmiðlum.

Gerður er ófeimin við að birta ýmiss konar skemmtileg augnablik á samfélagsmiðlum og deildi á sunnudag mynd sem sýnir hana í gegnsæjum blúndubuxum að njóta lífsins á götu í Barselóna.

Við myndina skrifar hún: „Rasselóna“.

Frétt af mbl.is

„Kláraði fyrstu skíðaferðina án þess að brjóta á mér lappirnar“

Spánn er ekki eini sjarmerandi sólarstaðurinn sem Gerður hefur heimsótt í maímánuði, en í byrjun mánaðarins eyddi hún sólríkum dögum á eyjunni Krít og birti mynd af sér við sundlaugarbakkann, að sjálfsögðu með hvítvínsglas í hönd.

Eltir ekki bara sólina

Gerður eltir þó ekki bara sólina. Hún elskar einnig að ferðast á kaldari slóðir og byrjaði árið á skíðum í þorpinu Madonna Di Campiglio á Ítalíu.

Athafnakonan er einkar hrifin af Ítalíu og hefur heimsótt landið oftar en einu sinni, tvisvar og þrisvar, og eins og flestir landsmenn vita þá fór hennar heittelskaði, flugmaðurinn Jakob Fannar Hansen, á skeljarnar og bað Gerðar um borð í báti er parið sigldi um Garda-vatn, stærsta stöðuvatn Ítalíu, síðasta sumar.

Frétt af mbl.is

Gerður í Blush og Jakob Fannar trúlofuð

Frétt af mbl.is

Gerður í Blush mátaði brúðarkjóla í Mílanó