Við Háteigsveg í Reykjavík er falleg 79 fm íbúð til sölu. Íbúðin er innréttuð á stílhreinan hátt sem gerir það að verkum að íbúðin verður björt og heillandi. 

Íbúðin er með tveimur svefnherbergjum og einu baðherbergi. Þvottahúsið er sérrými innan íbúðarinnar sem margir sjá í hyllingum. Svefnherbergin eru rúmgóð með góðu skápaplássi. Eldhúsið er með fallegri ljósbrúnni innréttingu með innbyggðum ísskáp og uppþvottavél. 

Íbúðin er staðsett fyrir utan ys og þys miðborgarinnar en þó er hægt að ganga í alla helstu þjónustu og afþreyingu. Klambratún er rétt handan við hornið.

Þessi íbúð gæti verið góður kostur fyrir par með lítið barn eða kríli á leiðinni.

Sjá á fasteignavef mbl.is: Háteigsvegur 3

Allir litir passa vel saman í íbúðinni.

Eldhúsinnréttingin er ljósbrún og mjög falleg.

Hjónaherbergið er rúmgott.