Frétt af mbl.is

Þarf pening til að fjármagna mistökin

Guðmundur Fertram Sigurjónsson forstjóri Kerecis fór mikinn og sagði meðal annars að ef stjórnvöldum þætti ekki nóg að fá þriðjung hagnaðar í auðlindarentu þá væri nær að hækka hlutfallið. „Þá á hún bara að segja það eins og það er, 1/3 er ekki nóg, við viljum fá 40% og þá er bara hægt að setjast niður og ræða um það að auka hlutfallið.“

Hann benti á að milliverðlagningin sem miðað er við núna við útreikning á aflaverðmæti væri lögbundið ferli. „Það á að hætta að vera með milliverðlagningu sem byggist á reglum OECD og sem Kerecis notar, sem fyrirtækin eru að nota í dag og álverin nota, og búa til séríslenskt gullhúðað kerfi.“

Frétt af mbl.is

Telja áhrif frumvarps vanmetin

Gaf ekki tommu eftir

Ráðherra gaf ekki tommu eftir og benti Fertram á að það væri ekki lögbundið ferli að miða við milliverðlagningu við útreikning á veiðigjöldum.

Íris Róbertsdóttir staldraði við ummæli ráðherrans um að fjármagnið ætti að fara í uppbyggingu innviða. Hún fagnaði því vissulega en benti á að samkvæmt fimm ára fjármálaáætlun ríkisstjórnarinnar færu bara 7 milljarðar í samgönguinnviði, en lauslega reiknað gæti aukning veiðigjalda verið um 8-10 milljarðar á ári.

„Hvar eru þá hinir 40+ milljarðarnir? Í hvað eiga þeir að fara? Inn í hítina?“ spurði hún.

Hún sagði jafnframt siðferðislega ámælisvert af ríkisstjórninni að láta eins og sveitarfélögin væru þriðji aðili og sagði engum vafa undirorpið að um væri að ræða landsbyggðarskatt.