Þetta kom fram á morgunverðarfundi Samtaka atvinnulífsins (SA) í gær, þar sem fjallað var um áhrif veiðigjalda og annarra skatta á fyrirtæki.

Þar kynnti Lovísa Anna Finnbjörnsdóttir frá Deloitte m.a. nýja greiningu á áhrifum fyrirhugaðrar hækkunar veiðigjalda, sem gerð var fyrir SA.

Fram kom að gildistaka frumvarpa um veiðigjöld og kolefnisgjöld gæti haft umtalsverð áhrif á rekstrarafkomu sumra fyrirtækja, jafnvel svo að hagnaður þeirra gæti snúist í tap.

Frétt af mbl.is

Þarf pening til að fjármagna mistökin

Arðsemi úr 5,2% í 3,5%

Deloitte aflaði upplýsinga úr ársreikningum 45 sjávarútvegsfélaga í 26 samstæðum fyrir árið 2024 og vann greininguna út frá því. Þau greiddu samtals um 85% veiðigjalda þess árs.

Tekin voru fjögur dæmi um einstök félög: Norðureyri, FISK Seafood, Skinney-Þinganes og Síldarvinnslan. Áhrifin á þau öll var veruleg, en afdrifaríkust fyrir Skinney-Þinganes, þar sem naum 3,4% arðsemi eigin fjár fór niður í -0,4%; allur arður því farinn í skatta og vel það, en hreinn taprekstur blasir við.

Niðurstaða greinarinnar í heild var sú að veiðigjöld sem hlutfall af rekstrarafkomu færu úr 20% í fyrra upp í 41% í ár. Allar beinar álögur færu hins vegar úr 40% í 60%, en arðsemin úr 5,2% niður í 3,5%.