Tinna Brá Baldvinsdóttir, eigandi verslunarinnar Hrím, hefur sett íbúðina við Lágaleiti á sölu. Íbúðin er afar björt og rúmgóð með stórum gólfsíðum gluggum, gólfhita og aukinni lofthæð. 

Tinna segir hverfið yndislegt og upphaflega hafi hún ætlað að vera þarna í eitt ár. Nú eru árin hins vegar orðin fimm og tími til kominn að stækka við sig.

Þrjú rúmgóð svefnherbergi eru í íbúðinni og skipulagið gott með góðu flæði á milli eldhúss og stofu. Gengið er út á sérafnotareiti eignarinnar annars vegar úr stofunni og hins vegar úr hjónaherberginu.

Íbúðin er máluð í skemmtilegum litum sem gera hana persónulega. Stofan er máluð í svargráum, ljósfjólubláum og kremlituðum tónum sem allir passa vel saman. Herbergin eru máluð í svipuðum tónum sem tengir rýmin vel saman. 

Sjá á fasteignavef mbl.is: Lágaleiti 11

Grínistinn Ari Eldjárn og Tinna hafa verið par frá árinu 2023. 

Frétt af mbl.is

Ari Eldjárn og Tinna í Hrím fundu ástina

Frétt af mbl.is

Þurfti að taka ákvörðun um að vera „bara einhver búðarkona“

Stofan er máluð í dökkum lit. Ljósmynd/Gunnar Sverrisson

Fallegir munir prýða íbúðina. Ljósmynd/Gunnar Sverrisson

Samspil litanna á veggjunum skapar skemmtilega stemningu en Tinna hefur mikla færni í þeim efnum. Ljósmynd/Gunnar Sverrisson

Eldhúsið er opið inn í borðstofu og stofu en þó í sérrými. Ljósmynd/Gunnar Sverrisson

Íbúðin er björt og vel skipulögð. Ljósmynd/Gunnar Sverrisson

Rúmgott hjónaherbergi með góðu skápaplássi og útgengt út á viðarverönd. Ljósmynd/Gunnar Sverrisson

Barnaherbergið er málað í dásamlegum lit í fjólubláum tón. Ljósmynd/Gunnar Sverrisson

Á baðherberginu eru vandaðar flísar frá Marazzi.

Efstaleitið er eftirsótt hverfi. Ljósmynd/Gunnar Sverrisson