Hótel Flatey opnar dyr sínar á ný í dag og mun taka á móti gestum til 28. ágúst næstkomandi.

Mikil spenna hefur ríkt í bæjarfélaginu fyrir þessum degi ef marka má athugasemdir við færslu Söndru Nóttar Gunnarsdóttur hótelstjóra á Facebook-síðunni Flateyingar.

„Hæ, elsku Flateyingar!

Ég hef loksins smá tíma til að setja inn færslu og segja HÆÆ!

Við opnum í dag, 4. júní, (fyrstu gestirnir koma á morgun), svo við erum að leggja lokahönd á allt í dag og lokum svo 28. ágúst.

Ég er ótrúlega spennt að vera með ykkur hérna í sumar og hlakka mikið til,” skrifar Sandra Dögg meðal annars við færsluna.

Einstök náttúruperla

Flatey er einstök náttúruperla staðsett í hjarta Breiðafjarðar sem vert er að heimsækja í sumar.

Hótel Flatey stendur í miðju gamla þorpsins og hefur um árabil verið eins konar samkomustaður bæjarbúa og ferðamanna.

Fjölbreytt og skemmtileg dagskrá verður í boði á hótelinu í sumar en fjölmargir tónlistarmenn ætla að kíkja í heimsókn og skemmta gestum og gangandi, en á meðal þeirra eru Valdimar Guðmundsson, Helgi Björnsson, Bubbi Morthens og Diddú.

Hér má lesa færsluna