Heitasta mynstrið núna er ekki hlébarðamynstur eins og í fyrra heldur eru það doppur (e. polka dots). Þetta mynstur verður iðulega meira áberandi þegar líður á sumarið en er það nú meira en áður. 

Þetta mynstur er vandmeðfarið og getur fljótt orðið leiðigjarnt. En flíkur í þessu mynstri geta einnig verið þær klassískustu og enst þér í mörg ár. Mikilvægt er að doppurnar séu smáar því um leið og þær verða of stórar er stutt í sirkusinn. 

Frá vor- og sumarlínu Saint Laurent fyrir árið 2025. Þunnur frakki með doppóttu mynstri.

Doppóttar flíkur minna oft á föt Díönu prinsessu og kvenna í efri stéttum í Bretlandi. Þá voru skyrtur eða kjólar með stærri doppum og stórum axlarpúðum. 

Með Vilhjálm nýfæddan. Skjáskot/Instagram

Hvítt efni með svörtum doppum í stærra lagi. Skjáskot/Instagram

Díana árið 1983. Skjáskot/Instagram

Því minni því betra

Klassískast er að hafa bakgrunninn í svörtum lit með hvítum doppum eða öfugt, svartar doppur á hvítu efni. Algengustu flíkurnar í mynstrinu eru kjólar, blússur úr silki- eða satínefni. 

Hér fyrir neðan eru nokkrar flíkur með vel heppnuðu doppóttu mynstri.

Chiffon-kjóll úr Zöru sem kostar 13.995 kr.

Kvenlegur kjóll frá Polo Ralph Lauren sem fæst í Mathildu og kostar 74.990 kr.

Síður kjóll úr Zöru sem kostar 5.595 kr.

Blússa frá Gestuz, fæst í Andrá og kostar 16.990 kr.

Stuttur kjóll úr Zöru sem kostar 13.995 kr.