Ástráður Haraldsson ríkissáttasemjari og eiginkona hans, Eyrún Finnbogadóttir tónmenntakennari, hafa sett einstakt smekkhýsi á Seltjarnarnesi á sölu. Hjónin hafa góðan smekk eins og sést á innanstokksmunum og hönnun heimilisins. Húsið sem þau eru að selja er á einni hæð og er 215 fm að stærð. Það var reist 1979 en árið síðar, 1980 var bílskúrinn byggður við húsið. 

Hjónin festu kaup á húsinu 2022 og hafa síðan þá staðið í miklum innanhússbreytingum. Haraldur Örn Jónsson arkitekt hjá Andrúmi arkitektum hannaði húsið að innan. Haraldur vinnur með klassísk form og notar til dæmis flísar í stærðinni 10x10, sem eru mjög arkitektalegar og klassískar. Hann notar þær í sundlaugarbláum lit á baðherberginu sem fær fólk, sem kann að meta góða hönnun, til að taka andköf.

Í eldhúsinu er til dæmis sérlega falleg eyja úr eik sem aðskilur eldhús og borðstofu á einstakan hátt. 

Allt á heimilinu er lekkert, ljóst og lágstemmt en samt alveg rándýrt. 

Frétt af mbl.is

Ástráður og Eyrún keyptu hús á einni hæð

Sjá nánar á fasteignavef mbl.is: Nesbali 54