Það var mikil gleði í loftinu í sumarveislu fatahönnuðarins Hildar Yeoman á dögunum. Nýrri litríkri sumarlínu var fagnað með veislu í versluninni og fyrir utan verslunina við Laugaveg 7. 

Veislan var stútfull af þekktum andlitum eins og Birgittu Líf Björnsdóttur, Ástrósu Traustadóttur, Berglindi Pétursdóttur, Svandísi Dóru Einarsdóttur og Fanneyju Ingvarsdóttur. 

Hildur hannar föt fyrir konur af öllum stærðum og gerðum og leggur metnað í að skapa umhverfi þar sem er pláss fyrir alla. Fyrirtæki Hildar Yeoman er rekið af konum og hefur kraftur kvenna verið órjúfanlegur þáttur í hönnun hennar frá upphafi.