Teikningar fyrir áætlað nýtt fangelsi að Stóra-Hrauni líta vel út en meiru máli skiptir hvernig starfseminni innanhúss verður háttað. Skynsamlegt væri að koma upp meðferðarkerfi innan veggja fangelsisins sem byði bæði upp á afvötnun og meðferð.

Þetta er meðal þess sem Daníel Rafn Guðmundsson, gestur Dagmála mbl.is, segir í umræðum um fangelsismál landsins.

„Það eru allir af vilja gerðir að hjálpa manni þegar maður er þarna, ef maður sýnir lit og að maður vilji breytast,“ segir Daníel. Það sem vanti upp á sé meðferðarkerfi inni í fangelsinu, „sem byrjar þá bara á afvötnun og svo væri bara flott meðferð inni í fangelsinu“.

„Ég er ekkert sérstakur“

Frétt af mbl.is

„Þá var alveg upplagt að nota stera“

„Í von um að það gangi í þetta skiptið“

Á Litla-Hrauni er tiltölulega nýtilkominn meðferðargangur og er hann einn af stöðunum innan fangelsanna sem Daníel og fleiri frá samtökunum Teen Challenge fara á með trúarlegan boðskap og jafningjafræðslu.

Frétt af mbl.is

Ekki endilega spurt um heiðarleika

„Þar er verið að gera fína hluti en manni finnst kannski að þetta mætti vera skilvirkara. Það ætti bara að vera eitthvað sem grípur þessa einstaklinga og það er bara meðferð og afeitrun og svoleiðis. Þetta þyrfti líka að vera eitthvað persónumiðað, það er ekkert sama sem gildir yfir alla,“ segir Daníel.

Ef menn ætli að bæta sig, koma út og verða virkir í þjóðfélaginu þá væri einnig mikið betra að þeir væru búnir að fá þjálfun í einhverju sem þeir hefðu áhuga á að gera í stað þess að losna og fara að vinna við eitthvað sem þeim þyki hundleiðinlegt og fái lítinn pening fyrir.

„Þá er það miklu meiri freisting að fara aftur út í eitthvað sem þeir þekkja, í von um að það gangi í þetta skiptið.“

Frétt af mbl.is

Reisa nýtt öryggisfangelsi að Stóra Hrauni

Á Litla-Hrauni er tiltölulega nýtilkominn meðferðargangur og er hann einn af stöðunum innan fangelsanna sem Daníel og fleiri frá samtökunum Teen Challenge fara á með trúarlegan boðskap og jafningjafræðslu. mbl.is/Ómar Óskarsson