Björn Ingi Hrafnsson, fjölmiðlamaður og aðstoðarmaður Sigmundar Davíðs Gunnlaugssonar formanns Miðflokksins, hefur verið án áfengis í sex ár.

Hann greindi frá þessu á Facebook-síðu sinni í morgunsárið.

„Svo vill til að í dag eru sex ár frá því ég bragðaði síðast áfengi. Þannig mjakast þetta, en risaskrefin felast í betri heilsu og heilbrigðara gildismati. Manni líður miklu betur! Ég mæli með þessu fyrir alla sem vilja vera meira til staðar fyrir það sem mestu máli skiptir og ná stjórn á eigin lífi.

Það er aldrei of seint að horfast í augu við sjálfan sig og besta ákvörðun sem hægt er að taka. Með Guðs hjálp og góðra manna. Einn dag í einu,” skrifar Björn Ingi við flotta sjálfu.