Einkaþjálfarinn og lögfræðineminn Telma Fanney Magnúsdóttir og Jökull Júlíusson, söngvari hljómsveitarinnar Kaleo, nutu lífsins á grísku eyjunni Santorini. Eyjan þykir með eindæmum rómantísk og hefur verið vinsæll áfangastaður á meðal para og nýgiftra. 

„Sjö sólsetur og offline slökun á Santorini,“ skrifar Telma við heillandi myndskeið af þeim. Á myndskeiðinu má sjá þau gera ýmislegt eins og að njóta lífsins í bátsferð, borða kvöldmat við sólsetur og slaka á í sólbaði. Gítarinn var ekki langt undan hjá Jökli sem nýtti hvert tækifæri til að spila á hann, bæði á svölum hótelherbergisins eða á bát. 

Parið hefur verið duglegt að ferðast síðustu ár og hefur meðal annars heimsótt áfangastaði eins og Sardiníu á Ítalíu og Balí. Þau trúlofuðu sig árið 2022. 

Frétt af mbl.is

Jökull og Telma trúlofuð

Frétt af mbl.is

Telma og Jökull njóta sín í draumafríi á Balí

Frétt af mbl.is

Jökull og Telma njóta sín í Sardiníu