Mótmælendur hafa safnast saman í Brookhaven, rómönsku úthverfi Atlanta-borgar, sem og í New York-borg. Svipuð mótmæli hafa einnig sprottið upp í Chicago, San Francisco og Austin í Texas í kjölfar mótmælanna í Los Angeles sem hófust 6. júní.

Nýlegum áhlaupum á innflytjendur er mótmælt og brottvísunum þeirra á vegum Innflytjendastofnunar sem framfylgir stefnu Donalds Trumps Bandaríkjaforseta.

Trump hefur sent 4 þúsund þjóðvarðliða til Los Angeles, ásamt 700 landgönguliðum og haldið fram að slíkt sé nauðsynlegt til að ná aftur stjórn, þrátt fyrir yfirlýsingar lögreglu um að hún geti höndlað ástandið.